NUUS

Mosselbaai NG Moedergemeente groet Bessie Badenhorst

Op 9 Desember het Mosselbaai NG Moedergemeente afskeid geneem van hul skriba van 19 jaar, Bessie Badenhorst, wat einde Desember aftree. Vir baie kleingoed was Tannie Bessie hulle eerste “Sondagskooltannie” by die Borrelklub. Sy is die tannie wat groot en klein tydens kindertyd by die erediens met Bubbbles, die handpop, vermaak en lewenslesse geleer het. Sy is ook die alomteenwoordige hand wat Sondae die liedere wat gesing word, op die flitsbord laat verskyn. Hoeveel kerkraadsnotules sy oor die jare geskryf het, is onbekend.

Joe Slovo gemeenskapskerk voltooi

Drome word waar!

Ongeveer 10 jaar gelede het ‘n versoek by die Sendingbediening van Mosselbaai NG Moedergemeente beland, waarin ‘n groep van 13 geestelike leiers van huiskerkies in die Joe Slovo-woonbuurt in Mosselbaai pleit vir ‘n kerkgebou. Op kort termyn is klere, komberse en voedsel aan die leiers oorhandig. Op mediumtermyn is honderde Bybels in Xhosa en Engels voorsien.

DAGBREEKBYEENKOMS OP SANTOS STRAND – 21 April

“Christus het opgestaan! Hy het waarlik opgestaan!” Dis hoe gelowiges die ou Paassondag groet Sondagoggend met sonsopkoms om 6:59 op Santos laat hoor het! Gelowiges van verskillende gemeentes, onder die inisiatief van NG Moedergemeente, in samewerking met Vida Nova en VGK gemeentes het die Opwekking van Christus met liedere en die musiek van die see en brekende branders gevier. Ds. Gerrie het ’n kort boodskap uit Joh. 21 gebring oor Christus se eerste verskyning na Sy opstanding op die strand, waar Hy sy dissipels met vis en brood verwelkom het en die wonder van die 153 vis in die nette bewerk het.  Hoffie Brazel het die sonsopkoms met shofar aangekondig. Hierdie was ’n baie inspirerende ervaring vir die paar honderd wat dit bygewoon het.

Close Menu